Festa e fundvitit: Rita Ora sonte në Times Square

Topi i Vitit të Ri është bërë gati për lëshimin 60 sekondësh, kur numërimi mbrapsht për një vit të ri fillon.

Këtë ngjarje ikonike në Times Square të New Yorkut, në natën e ndërrimit të motmoteve, përpara miliona amerikanëve, do ta shijojë për herë të dytë këngëtarja kosovare me famë botërore, Rita Ora.

Ajo është pjesë e shfaqjes së Dick Clark, që do të moderohet nga ikona televizive Ryan Seacrest, njofton Klankosova.tv.

“Rita ka një përgjegjësi të dyfishtë, të prezantojë dhe të performojë, ajo ka shumë gjëra në mendje, por kur gjithçka është gati, ajo fillon”,  tha Seacrest.

Ora ka theksuar se atmosfera është elektrizuese: “Të gjithë janë shumë të emocionuar. Ka njerëz që vijnë që në mëngjes dhe nuk largohen deri në fund. Është një kaos i bukur dhe i mrekullueshëm njëkohësisht”, u shpreh ajo.

Cruise, që ka marrë drejtimin e kësaj shfaqjeje, u premtoi amerikanëve një natë të paharrueshme, që do të transmetohet në ekranet e BBC-së.