Feronikeli fiton bindshëm derbin kundër Gjilanit

Skuadra e Feronikeli e ka nisur me fitore të lartë edicionin e ri në Superligën e Kosovës në futboll.

“Tigrat e Zi” në duelin e sotëm mposhtën 4:0, Gjilanin e drejtuar nga Gentian Mezani, njofton Klan Kosova.

Bedri Graca ishte fytyra kryesore e ndeshjes, i cili shënoi tre gola, ndërsa një tjetër e realizoi edhe braziliani Santos.

Nikli kështu merr tri pikët e para në sezonin e ri.

Kurse, Gjilanit i mbetet që pikët e para t’i kërkojë në duelin e radhës.