Fermeri nga Istogu: Jo vetëm në Drejtorinë e Bujqësisë ka nepozitëm

Fermeri nga Istogu Xhevdet Gjocaj ka thënë se në Drejtorinë e Bujqësisë në këtë komunë grantet merrem nga bujqit që kanë afërsi me zyrtarët komunalë.

“Veç nuk duan ta pranojnë, sepse nëpër çdo drejtori ka familjarizëm, nepotizëm, jo vetëm në Drejtorinë e Bujqësisë”, është shprehur ai, duke komentuar arrestimet e katër zyrtarëve komunalë, njofton Klan Kosova.

“Ata nuk dalin në terren dhe nuk e shikojnë se me çfarë merremi. Kushtet për subvencione i plotësojmë, por 80 përqind të rasteve nga komuna nuk na janë përgjigjur”.

Gjocaj ka thënë se ka raste kur nga subvencionet përfitojnë personat që fare nuk i punojnë tokat.