Ferizaj zbulon dizajnerin pas gjashtë dekadash (VIDEO)

Si mural që identifikon qytetin, deri të shtunën ishte pa autor.

Simboli i kamerierit që është i vendosur në një ndërtesë hoteli në Ferizaj, u gjet se u ndërtua nga 86 vjeçari Shukri Krasniqi, që kishte studiuar për dizajn profesional në Zagreb.

Ai thotë se murali u punua në vitin 1961 dhe i erdhi si kërkesë nga një arkitekte maqedonase.

Krejt dizajnin e kreu për 6 ditë, por lodhja nga puna u harrua kur më pas filloi presioni nga pushteti se pse e kishte ngjyrosur muralin me ngjyrat kombëtare.

Nga përndjekja e policisë serbe ai nuk arriti të marrë as mëditjen për punën e bërë. Identifikimi i Krasniqit si autor u bë i mundur falë këmbëngulësisë së festivalit të muraleve.

Ndonëse autorin s’e din, edhe ferizajasit janë mirënjohës për të.

Krasniqi theksoi se modestia nuk e la të tregoj më herët për autorësinë e tij deri kur përmes miqve u kontaktua nga Mural Festi.