“Fëmija m’kanë shti me kajtë, s’kam pasë pare”, punëtorët teknikë pa paga (VIDEO)

Mbeturinat kanë zënë vend kudo në shkollën fillore “Pjetër Bogdani” në Prishtinë.

E, nxënësit janë ata që së paku po e bëjnë hedhjen e bërllokut nga shportat e klasës, transmeton klankosova.tv.

Krejt kjo situatë vjen si shkak i grevës që e kanë nisur të mërkurën 7 punëtorë teknikë për higjienë në këtë shkollë, e të cilët i përkasin sektorit privat.

Kryepunëtori, Fazli Idrizi thotë se nuk e kanë marrë as pagën e tetorit dhe të dhjetë ditëve të fundit të shtatorit, teksa tregon që operatori ekonomik që ua ka mbetur borxh të njëjtit i  ka skaduar kontrata me komunën me 10 nëntor dhe se nuk ju përgjigjet në thirrjet e tyre, ashtu sikurse edhe komuna.

Në mesin e këtyre 7 punonjësve janë edhe dy çifte bashkëshortore, ku siç thanë ata gjendje e tyre është e rënduar si kurrë më parë e me një mirëqenie të dobët.

Madje këta shprehën se po shiten sikurse kafshët nga një kompani në tjetrën, teksa nën lot thonë nuk kanë ndonjë monedhë për fëmijët e tyre në shkollë.

E, kryepunëtori Idrizi tregon se tashmë ka mbetur në terr e pa rrymë, meqë sipas tij nuk me çka ta paguajë këtë obligim.

Ju flet Prishtina e ka adresuar këtë problem tek komuna përfshirë edhe drejtorinë e arsimit e të cilët janë përgjigjur shkurtë se do ta zgjedhin shpejtë këtë problem.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.