Erion Veliaj kërkon kthimin e celularit të sekuestruar

Gjykata e Posaçme kundër Korrupsionit dhe Krimit të Organizuar do të shqyrtojë sot kërkesën e kryebashkiakut të Tiranës, Erion Veliaj, për rikthimin e celularit të sekuestruar gjatë arrestimit të tij në zyrën e Bashkisë.

Nëpërmjet avokatëve të tij, Veliaj ka argumentuar se sekuestrimi i pajisjes ka qenë i paligjshëm dhe kërkon kthimin e saj.

Kërkesa do të shqyrtohet nga gjyqtari Erjon Bani, në seancën që do të zhvillohet në orën 09:00.