Erdogan i quan si “teatrale” kritikat për ndalimin e kryebashkiakut të Stambollit

Presidenti turk Recep Tayyip Erdogan tha të enjten se partia kryesore e opozitës po kërkonte të mbulonte gabimet e veta dhe të mashtronte njerëzit me “teatër”, në komentet e tij të para pas ndalimit të kryebashkiakut të Stambollit.

“Ne nuk kemi kohë për të humbur në debate të kota dhe as pirgje parash për t’i hedhur në mënyrë të pamatur,” tha Erdogan në një fjalim në Ankara, një ditë pasi kryebashkiaku Ekrem Imamoglu, rivali i tij kryesor politik, u arrestua.

Çështjet e Partisë Popullore Republikane “nuk janë çështje të vendit, por çështje të një grushti oportunistësh në selitë e tyre,” tha ai. “Nuk kemi kohë për të humbur me teatrot e opozitës”, shkruan Reuters, transmeton Klankosova.tv.