Eksperti ndërkombëtar: Zhgënjim i madh që nuk pati takim trepalësh dje në Bruksel (VIDEO) NULL NULL 27.06.2024 18:30 27.06.2024 18:30 Toby Vogel, ekspert i dialogut Toby Vogel, ekspert i dialogut, ka folur për mosmbajtjen e një takimi trepalësh dje në Bruksel mes kryeministrit Albin Kurti dhe presidentit të Serbisë, Aleksandar Vuçiq, me përfaqësuesit e BE-së, Josep Borrell dhe Miroslav Lajçak. Në Info Magazine të Klan Kosovës, ai ka deklaruar se tani është duke përfunduar një fazë e dialogut, sipas tij, duhet të fillojë një fazë e re. “Ishte një zhgënjim i madh, padyshim për Borrell, nuk pati një takim mes drejtuesve dhe nuk pati asgjë, as një rezultat të prekshëm nga ky takim. Duke thënë këtë, mendoj se nuk është një sekret i madh të thuhet se dialogu ka vdekur prej disa muajsh, prej një viti, madje prej më shumë se një viti”. “Ai nuk ka dhënë atë që duhej të jepte e cila është të paktën një rrugë për një marrëveshje ligjore të detyrueshme, gjithëpërfshirëse, e normalizimi që thjeshtë nuk ka ndodhur për shumë vite. Dialogu ka shërbyer si një vend për menaxhimin e krizave, pra në një farë kuptimi kjo është paksa e trishtueshme. Por është një përfundim mjaft logjik i kësaj faze të cilën tani mund ta kalojmë “. “Pra, në një farë kuptimi kjo është paksa e trishtueshme, por është një përfundim mjaft logjik i kësaj faze të dialogut, nga e cila mendoj se tani mund të kalojmë sepse ka mbaruar, ka mbaruar. Borrell do të jetë jashtë, Leiçak do të jetë jashtë, dhe kjo është ajo”, ka thënë Vogel. /Klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.