Ekipi i filmit “Shok” të mërkurën kthehet në Kosovë

Në një lidhje direkte nga Los Angeles ku po qëndron ende ekipi i filmit “Shok” në “Ora 7” në Klan Kosova ka folur drejtori i Qendrës Kinematografike të Kosovës, Arben Zharku.

Ai ka treguar për Klan Kosovën se të mërkurën ekipi i filmit “Shok” do të kthehen në Kosovë.

“Të mërkurën ekipi i filmit “Shok” do të jetë në aeroportin e Prishtinës”.

“Ne kemi filma shumë të mirë për t’i prezantuar botës, si p.sh., filmi “Babai”.

“Është gjë e mirë që ne po ia rikujtojmë botës tmerret që kemi përjetuar përmes një filmi mjaft të mirë”.

Zharku tregon se filmi “Shok” i ka hapur rrugë artistëve kosovarë në botë.

“Me nominimin e filmit ‘Shok’ në Oscars ne kemi marrë një vëmendje dhe përkrahje jo vetëm nga institucionet e Kosovës, por është hapur rrugë dhe shpresë për artistët kosovarë”.

“Ne kemi qenë në festivalin e Berlinit ku vëmendje të madhe kemi marrë prej industrisë botërore të filmit”.