Egjipti bën thirrje për protesta mbarëkombëtare në mbështetje të Palestinës

Partitë dhe institucionet politike të lidhura me shtetin e Egjiptit kanë bërë thirrje për protesta mbarëkombëtare në Egjipt të premten në mbështetje të palestinezëve dhe qëndrimit të presidentit Abdel-Fattah el-Sisi, për të mos lejuar zhvendosjen e popullsisë së Gazës në Egjipt.

“Nëse bëhet fjalë për t’u kërkuar egjiptianëve të dalin në rrugë për të shprehur kundërshtimin e tyre ndaj kësaj ideje, do të shihni miliona egjiptianë që mbështesin qëndrimin egjiptian”, tha Sisi në një konferencë shtypi me kancelarin gjerman, Olaf Scholz të mërkurën.

Një aleancë e partive politike të mbështetura nga shteti kanë shprehur mbështetjen e tyre për deklaratat e Sisit dhe kanë thënë se kanë marrë leje për demonstrata në vende të caktuara në të gjithë Egjiptin, sipas mediave shtetërore dhe lokale të Egjiptit, shkruan CNN, transmeton Klankosova.tv.

Këto do të ishin protestat e para masive të miratuara nga qeveria në Egjipt që kur Sisi mori pushtetin. Ligjet e rrepta kundër protestës dhe goditjet brutale të sigurisë ndaj mospajtimit kanë parandaluar kryesisht protestat masive për dekadën e fundit.

Protestat kundër sulmeve izraelite në Gaza përfshinë disa universitete egjiptiane të mërkurën.