Edhe Verona interesohet për Shkëlzen Gashin

E ardhmja e Shëklzen Gashi te Baseli është vënë në pikëpyetje serioze gjatë pjesës së parë të sezonit, pasi 27-vjecari nuk është preferuar si zgjedhje e parë e sulmit nga trajneri Urs Fischer. Gjatë merkatos së Janarit futbollisti i kombëtares kuqezi do të jetë i hapur për cdo ofertë që do të vijë për kartonin e tij, pasi dëshiron të luajë rregullisht për të qenë në formë optimale për finalet e “Euro 2016″. Mediat italiane, me konkretisht tutto mercato web, një faqe e specializuar mbi informacionet rreth lëvizjeve të futbollistëve, zbulon që për shërbimet e Gashit po interesohet Verona e Serisa A, që drejtohet nga Giggi Del Neri. Trajneri italian është i pakënaqur nga forma e Pazzinit ndaj synon një sulmues me peshë për ta rreshtuar përkrah Luka Tonit. Emri i Shkëlzen Gashit është i pari që i është sugjeruar Del Nerit nga njerëzit që po studiojnë merkaton e Veronës, por ende nuk ka një ofertë zyrtare nga klubi italian.

Gjatë sezonit të kaluar Gashi ishte sulmuesi më produktiv i Baselit me 22 gola në 31 ndeshje të kampionatit, ndërsa gjatë sezonit aktual kaluajtur në vetëm 5 ndeshje, duke shënuar dy gola. Marrëdhëniet e tensionuara me trajnerin Fisher i kanë hapur rrugë largimit të tij nga Baseli që në muajin Janar./supersport.al

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.