Edhe sot tre të vdekur me COVID-19

Edhe sot sikur dje tre persona kanë humbur betejën me COVID-19.

Rastet e vdekjes kanë ndodhur një rast nga Klinika Infektive – QKUK, një rast nga spitali rajonal Gjilan dhe një rast nga spitali rajonal Prizren, njofton Klan Kosova

Instituti Kombëtar i Shëndetësisë Publike njofton se gjatë 24 orëve të fundit në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 509 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 49 raste pozitive.

Numri i përgjithshëm i vdekjeve ka arritur në 638.

Gjatë 24 orëve të fundit, janë shëruar 92 pacientë derisa numri i përgjithshëm i të shëruarve deri më sot është gjithsej 14.143 raste, kurse numri i rasteve aktive është 1.157.

Rastet pozitive janë nga komuna Prishtinë 22 raste, komuna Gjakovë 5 raste, komuna Ferizaj 3 raste, komuna Klinë 3 raste, komuna Fushë Kosovë 2 raste, komuna Lipjan 2 raste, komuna Rahovec 2 raste dhe me nga një rast komunat Deçan, Dragash, Gjilan, Kaçanik, Malishevë, Pejë, Podujevë, Shtime, Skenderaj dhe Vushtrri.