Edhe Ferizaj me universitet

Nga tetori i këtij viti Ferizaj do të bëhet me Universitet të Shkencave të Aplikuara.

Vendimin për transformimin e Fakultetit të Shkencave të Aplikuara në universitet e bëri të martën, ministri i Arsimit, Arsim Bajrami, gjatë një takimi që zhvilloj me drejtuesit e këtij fakulteti dhe kryetarët e komunave të rajonit të Ferizajt.

Me themelimin e këtij institucioni universitar, ne duam që t’i japim Ferizajt një qendër te fortë rajonale universitare ku nuk do të studiojnë vetëm studentët e Ferizajt, por edhe shumë studentë edhe nga qendrat e tjera e ndoshta edhe studente ndërkombëtar. Me këtë rast dëshirojmë të krijojmë një model shumë cilësor i cili do të ishte atraktiv edhe për shumë vende të rajonit” theksoi Bajrami.

Poashtu u bë e ditur se vendimi për shpalljen e Universitetit do të procedohet së shpejti edhe në qeveri dhe kuvend.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.