Edhe djemtë e Grabovcit dënohen

Dy djemtë e deputetit të PDK-së, Adem Grabovcit – Ngadhnjimi dhe Guximi – u dënuan me nga gjashtë muaj burgim nga Gjykata Themelore në Prishtinë.

Ata u gjetën fajtorë për rrahjen e një polici në shkurt të vitit 2013.

Dënimin e fëmijëve të Grabovcit e ka konfirmuar edhe avokati mbrojtës i tyre Hasan Jashari, cili megjithatë ka thënë se dënimi është konvertuar në para për të shamngur burgimin.

“I mbrojturi im dhe vëllai i tij, janë dënuar me nga gjashtë muaj burg për secilin, mirëpo me kërkesën e mbrojtjes duke u bazuar në dispozitat ligjore ky dënim ju është kthyer në dënim me gjobë në lartësi prej 3 mijë euro për secilin”, tha Jashari.

Kjo nënkupton se për krimin e kryer, dënimi efektiv për secilin prej të dënuarve është 3 mijë euro.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.