Edhe Abdixhiku e pret në takim deputetin e Parlamentit të Suedisë, Adnan Dibrani

Kryetari Lidhjes Demokratike të Kosovës, Lumir Abdixhiku ka pritur në takim deputetin shqiptar të Parlamentit Suedez, Adnan Dibranin dhe zëvendësdeputetin, Arbër Gashi të shoqëruar nga ambasadori i Suedisë në Kosovë, Johanes Westerlund.

Gjatë takimit Abdixhiku diskutoi në veçanti për organizimin e brendshëm partiak në mërgatë, themelimin e nëndegëve të reja dhe shtrirjen e aktiviteteve tona gjithandej në shtetet e Evropës.

Abdixhiku theksoi se shqiptarët sot në shtetet evropiane kanë arritur suksese në angazhimin e tyre në jetën publike, duke u bërë deputetë të parlamenteve të vendeve që jetojnë.

Po ashtu gjeneratat e reja të mërgatës sonë kanë avancuar shumë në integrimin dhe involvimin në procese politike, duke u bërë pjesë e rëndësishme e vendimmarrjes dhe hartimit të politikave në shtetet e zhvilluara evropiane.

Adnani e Arbëri janë model i dy të rinjve që kanë angazhim dhe vullnet për t’i përfaqësuar bindjet dhe pikpamjet e veta edhe për zgjedhjet për Parlamentit Evropian, andaj Lidhja Demokratike e Kosovës fton bashkatdhetarët që janë me nënshtetësi të shteteve të BE-së, të votojnë për deputetë të Parlamentit Evropian, shqiptarë, figura entuziaste dhe me plot vizion për të përfaqësuar sa më mirë interesat e vendeve që veprojnë dhe interesat tona si shqiptarë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.