E mitura e zhdukur nga Lipjani dyshohet se u dhunua, prangoset kadeti policor

Një kadet i Policisë së Kosovës është arrestuar nën dyshimet se ka kryer veprën penale “Dhunim”, ku viktimë është e mitura e  zhdukur nga Lipjani, e cila u gjet mbrëmë, dhe si rezultat u zbuluan detajet.

Siç shkruan Sinjali, ndaj kadetit policor është lëshuar urdhri për masën e ndalimit dhe tashmë kanë nisur hetimet me vendim të Prokurorit të Shtetit, raporton klankosova.tv.

E mitura dyshohet se qëndroi me të dyshuarin gjatë kohës sa u raportua e zhdukur dhe dyshohet se kanë pasur raport intim.

Vajza u gjet mbrëmë, një ditë pasi familja e saj kërkoi ndihmë në polici. Brenda afatit ligjor pritet të ndërmerren veprimet e nevojshme hetimore.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.