E dënoi policia pse e pastroi katundin?! (VIDEO)

Milazim Berisha nga fshati Volljakë e Klinës, kalon ditët duke mbledhur mbeturinat nëpër rrugët e fshatit të tij. Këtë inciativë, thotë se e nisi pasiqë një gjë të tillë e pa në ëndërr.

Vetëm që ta sheh fshatin të pastër, 52-vjecari thotë se e bën për gati 10 vjet këtë punë në mënyrë vullnetare.

Por, ai ka rrëfyer një problem që i ka ardhur si pasojë e veprimeve të tij për pastrimin e fshatit, si dhe një gjobë e ka marrë nga Policia e Kosovës. Kjo për arsyen se kur kishte mbledhur bërllokun në gjithë fshatin e kishte renditur 45 thasë që kompania e mbeturinave t’i marrë.

Mirëpo, gjatë natës, dikush i kishte prekur ata thasë dhe kishte shpërndarë gjithë mbeturinat e mbledhura nga ai.

Me inat të atij veprimi, 52-vjecari kishte telefonuar disa zyrtarë komunalë, mirëpo sipas tij, askush nuk i ishte përgjigjur.

Si shenjë revolte se pse kompania e pastrimit nuk i kishte marrë ato mbeturina, Berisha i kishte rreshtuar ato në mes të rrugës, përgjatë vijave të bardha, por që më pas, për këtë veprim ishte gjobitur nga Policia, në shumë prej 30 eurosh.

Sipas tij, kryeplaku i fshatit kishte marrë përgjegjësinë që të paguajë atë gjobë, i cili edhe e ka vlerësuar shumë kontributin e Berishës për mjedisin.

Për më shumë, ndiqeni emisionin e plotë: