Dymijë studentë s’duan heqjen e “Hasan Prishtinës” nga UP-ja (VIDEO)

Studentët kanë nisur një peticion përmes të cilit synojnë kundërshtimin e shqyrtimit të idesë së heqjes së emrit “Hasan Prishtina” nga Universiteti i Prishtinës.

Në dy ditët e para janë mbledhur të paktën 2 mijë nënshkrime, derisa sipas organizatorëve janë marrë firmat edhe nga disa dekanë, profesorë e edhe nga stafi i administratës, raporton Klan Kosova.

Ekipet me listat e peticioneve janë të shpërndara në disa fakultete, derisa nënshkrimet do mblidhen deri të premten e më pas do dorëzohen tek organet e UP-së.

Ideja për heqjen e emrit “Hasan Prishtina” nga UP-ja, për çka Klan Kosova ka raportuar e para, ka rrjedhur në takimet e ekipit punues për ndryshimet statutare.

Rektorati e pati arsyetuar propozimin për reduktim të emrit me trashëgiminë e këtij institucioni, me pretendimin se është Universiteti i vetëquajtur i Prishtinës në Mitrovicën e Veriut që pretendon vazhdimësinë e UP-së.

“Një ndryshim i tillë, që nuk e ka edhe vetëm emrin origjinal, mund të paraqitet i disfavorshëm edhe ligjërisht për Universitetin tonë, përfshirë këtu kontestet eventuale që lidhen me trashëgiminë, pasurinë pronësore dhe të mirat e tjera materiale dhe jo-materiale”, thuhet në një prej reagimeve të këtij institucioni.

Propozimi për ndryshimin e emrit të UP-së është në fazën e diskutimit ne grupin punues, derisa për miratimin e heqjes së emrit duhen një mori veprime e faza, deri te votimi në kuvend. /Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.