Dy të vdekur dhe një i zhdukur nga uragani në Greqi

Dy të vdekur dhe një i zhdukur nga uragani në Greqi

NULL NULL
1 muaj më parë

Dy persona janë konfirmuar të vdekur dhe një tjetër është zhdukur pasi një stuhi e ngjashme me një uragan përfshiu Greqinë.

Qindra njerëz u bllokuan në ndërtesat e përmbytura ndërsa Cikloni Ianos, i njohur si një “medicane” (uragan mesdhetar), goditi zonat në veri të Athinës, njofton Klan Kosova.

Kryeministri Kyriakos Mitsotakis ka dërguar tre zyrtarë të lartë në rajonin qendror më të goditur.
Shërbimet e trenave që lidhin veriun dhe jugun e vendit janë ndërprerë.

Pamjet në mediat sociale treguan valë të mëdha nga plazhet në ishujt Jon të Kefalonia dhe Zakynthos të premten.

Fluturimet dhe shërbimet e trageteve u anuluan dhe turistët u këshilluan të qëndronin brenda.