Dy përballje interesante në Superligën e Kosovës

Java e 26-të në Superligën e Kosovës në futboll zhvillohet sot, me dy përballje interesante në program.

Vëmendja kryesore është te derbi mes Prishtinës dhe Ballkanit, që luhet nga ora 13:00 në Kampin Nacional në Hajvali.

Po në të njëjtën orë zhvillohet edhe dueli mes Ferizajt dhe Drenicës. Ferizaj mban pozitën e tetë me 29 pikë, ndërsa Drenica renditet e parafundit me një pikë më pak, duke e bërë këtë përballje mjaft të rëndësishme në luftën për mbijetesë.

Këto përballje do të keni mundësi t’i ndiqni në kanalet sportive të platformës Artmotion. /Klankosova.tv