Dumoshi takohet me Shoqatën e Gastronomëve, flasin për promovimin e kulturës së ushqimeve

Dumoshi takohet me Shoqatën e Gastronomëve, flasin për promovimin e kulturës së ushqimeve

NULL NULL
1 muaj më parë

Ministrja e Kulturës, Rinisë dhe Sportit, Vlora Dumoshi, gjatë ditës së sotme ka zhvilluar një takim me përfaqësuesit e Shoqatës së Gastronomëve të Kosovës, të kryesuar nga kryetari i kësaj shoqate, Petrit Kllokoqi.

Përfaqësuesit e Shoqatës kërkuan heqjen e kufizimit të muzikës si dhe ngritën çështjen e nënshkrimit të një memorandumi të bashkëpunimit për promovimin e kulturës së ushqimeve që ka Kosova.

Ministrja Dumoshi shpalosi objektivin për shtytjen përpara të trashëgimisë shpirtërore ku aktualisht po mblidhen dosjet dhe këtu parashihen të hyjnë edhe ushqimet tradicionale.

“Resorët e ministrisë janë më të prekurit sepse MKRS-ja mbulon fusha të cilat janë shumë të gjëra në shoqëri dhe të cilat lidhen direkt me ndërveprimin njerëzor”, theksoi ministrja.

Në takim u diskutua për promovimin e trashëgimisë së zonave të ndryshme Kosovës në gastronomi si dhe promovimin e industrisë prodhuese ushqimore tradicionale.

Ministrja shpalosi në takim idenë për digjitalizimin e pikave referuese të ushqimit ku do të identifikohen zonat e Kosovës për çka prodhojnë në fushën e ushqimit si dhe mundësinë e përkrahjes së shoqatës në ndërlidhje me objektivat programore të MKRS-së.

Organizimi i festivaleve të ushqimeve tradicionale që ka Kosova ishte një pikë tjetër e diskutimit të këtij takimi.