Drejtuesja e opozitës bjelloruse thotë se Lukashenkos nuk mund t’i besohet nëse i dërguari i ShBA-së shkon atje

I dërguari i ShBA-së, Keith Kellogg, thuhet se do të udhëtojë për në Minsk për të diskutuar luftën e Rusisë në Ukrainë me presidentin e Bjellorusisë, Aleksandr Lukashenko.

Udhëheqësja e opozitës bjelloruse në mërgim, Sviatlana Tsikhanouskaya, i tha Euronews se presidentit Aleksandr Lukashenko “nuk mund t’i besohet fare”, pas një raportimi për një takim të planifikuar në Minsk midis tij dhe të dërguarit të administratës Trump për Ukrainën.

Keith Kellogg, një këshilltar i hershëm i presidentit të ShBA-së Donald Trump, planifikon të udhëtojë për në Bjellorusi këtë javë për të takuar Lukashenkon, raportoi Reuters të martën, duke cituar katër burime.

Kellogg ka thënë privatisht se udhëtimi mund të ndihmojë në fillimin e bisedimeve të paqes që synojnë t’i japin fund pushtimit të plotë të Ukrainës nga Rusia, sipas dy burimeve, shkruan Euronews, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.