Djali i Vokrrit: Futbolli i tejkalon shumë gjëra, kjo është vlera të cilën e ka përçuar babai im NULL NULL 2 months më parë 2 months më parë Gramoz Vokrri, djali i legjendës së futbollit të Kosovës Fadil Vokrri, gjatë zbulimit të shtatores së babait të tij pranë stadiumit në kryeqytet tha se futbolli i tejkalon shumë gjëra duke shtuar se kjo është vlera të cilën e përçonte edhe babai i tij. Vokrri, që ishte shumë i emocionuar, bëri thirrje që kjo shtatore të shërbejë për gjeneratat e reja si një inspirim se me punë, angazhim dhe vullnet mund të arrihet gjithçka. “Ky stadium, kjo kombëtare dhe kjo federatë është një realitet i padiskutueshëm që u krijua falë këtij mentaliteti”, tha ai. Shtatorja e legjendës së futbollit Fadil Vokrri është përuruar sot pranë stadiumit në Prishtinë që edhe e mban emrin e tij pikërisht në ditën kur ai do të mbushte 61 vjet.
