Dizajnerja Lirika Matoshi në listën e 30 figurave më me ndikim të artit dhe modës në Amerikë

Dizajnerja nga Kosova Lirika Matoshi është përfshirë në listën e 30 personave me më së shumti ndikim në artin dhe modën amerikane, për stilistët nën 30 vjeç.

Kjo listë është përpiluar nga revista amerikane Forbes, njofton Klankosova.tv.

“Kosovarja filloi të bënte bizhuteri në vitin 2016, duke zbukuruar geta, fustane dhe çorape me kristale dhe duke shitur mallrat e saj nëpërmjet Etsy. Pasi fustani i saj me luleshtrydhe u bë viral në TikTok në vitin 2020, ajo ka tërhequr mbi 700,000 ndjekës në Instagram dhe shet drejtpërdrejt te konsumatori dhe përmes shitësve me pakicë si Nordstrom”, ka shkruar revista Forbes për Matoshin.

Veshjet e dizajnuara nga Lirika Matoshi kanë pushtuar media sociale, si dhe vishen nga shumë artistë të njohur.