Disa vende të BE-së pezullojnë procesin e vaksinimit me AstraZeneca

Gjermania, Franca  dhe Italia kanë pezulluar procesin e vaksinimit me AstraZeneca kundër COVID-19.

Kjo pasi disa vende të BE-së që e kanë përdorur këtë lloj të vaksinës kanë raportuar për efekte anësore që mund të jenë serioze, shkruan Reuters, transmeton Klan Kosova.

Kujtojmë se Danimarka dhe Norvegjia e kanë ndaluar përdorimin e AstraZeneca pasi që janë raportuar raste të izoluara të gjakderdhjes, mpiksjes së gjakut dhe një numër të ulët të trombociteve.

Edhe Islanda dhe Bullgaria kanë ndjekur shembullin e dy shteteve të lartpërmendura.

Spanja po ashtu do ta ndalojë përdorimin e vaksinës për të paktën 15 ditë.

klankosova.tv