Disa mjekë shqiptarë në Amerikë bëjnë thirrje për vaksinim (VIDEO) NULL NULL 12.08.2021 21:21 12.08.2021 21:21 Pesë mjekë shqiptarë që jetojnë dhe veprojnë në Shtetet e Bashkuara të Amerikës përmes disa video-mesazheve u kanë bërë thirrje popullatës në Kosovë që të marrin vaksinën kundër COVID-19. Nora Gashi, e cila është specialiste e mjekësisë interne në New Jeresy dhe Presidente e Shoqatës Shqiptaro-Amerikane të Mjekësisë në ShBA, ka bërë thirrje për vaksinim teksa ka treguar edhe për përvojat e saja me pacientë gjatë pandemisë. “Gjatë pandemisë kam qenë në vijën e frontit me pacientët e infektuar me COVID-19, kam pasur raste shumë të rënda dhe kam parë vdekje ku trajtimi ka dështuar. Tani e kemi vaksinën e cila ka treguar efikasitet në uljen e infektimit dhe transmetimit të virusit”, është shprehur Gashi, njofton Klankosova.tv. Arbër Shehu, mjeku dhe hulumtuesi shkencor në spitalin e John Hopkins në Shtetet e Bashkuara tha se hulumtimet e deritanishme kanë treguar se vaksinuar kundër COVID-19 kanë rezultuar tejet efektive. “Unë jam pjesë e ekipit punues në Shtetet e Bashkuara të Amerikës të cilat e bëjnë matjen e efektit të tyre, ku kemi arritur rezultate tejet të shkëlqyera dhe vaksinimi e ka bërë efektin e vet”, është shprehur Shehu. Ndërsa, Arbenita Dervisholi, e cila ushtron profesionin e infermieres dhe është kandidate e doktoratës në anestezionologji në Universitetin e John Hopkins tha se vaksinat kundër COVID-19 në SHBA e kanë ulur dukshëm infeksionin dhe vdekjet nga ky virus. Agron Ismaili i cili është mjek dhe internist në Florida tha se gjatë punës së tij si mjek ka parë që shumë pacientë që vaksinimi kundër COVID-19 u ka shpëtuar jetën. “Gjatë punës sime si mjek në spital, kam parë shumë pacientë që vaksinimi kundër COVID-19 u ka shpëtuar jetën, prandaj vaksinohuni kundër COVID-19”, është shprehur Ismaili. Kurse, Asul Dalipi, i cili punon si internist në Shtetet e Bashkuara të Amerikës tha se të gjithë ata pacientë që kanë vdekur nga COVID-19 nuk kanë qenë të vaksinuar. “Tani për tani, pacientët me sëmundje serioze dhe pacientët që kanë humbë jetën nga virusi COVID-19, nuk kanë qenë të vaksinuar, prandaj vaksinimi kundër COVID-19 është i sigurt dhe tepër efektiv kundër sëmundjes serioze dhe kundër vdekjes nga COVID-19”, ka thënë Dalipi, njofton Klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Bulliqi bën homazhe në 25-vjetorin e masakrës së familjeve Bogujevci, Duriqi dhe Llugaliu 30 minuta më parë
Kosova Kusari-Lila “e pengon” Tahirin teksa flet në foltore: Këtë detyrë duhet ta kryej Glauku, jo unë 2 orë më parë