Digjet ara me 2 hektarë grurë në Bardhosh – pronari fajëson institucionet përgjegjëse (VIDEO)

Një arë në fshatin Bardhosh të Prishtinës e mbjell me grurë, u kaplua nga flakët pasditen e së shtunës, e të cilat u përhapën në më shumë se dy hektarë.

Për këtë pronari i tokës, Halit Arifi, fajëson institucionet përgjegjëse për neglizhencën ndaj mbeturinave afër tokave bujqësore nga të cilat thotë se i erdhi zjarri.

E ata që ndërhynë për të shuar zjarret treguan se përveç flakëve problem kishin edhe erën. Shqetësimin për mbeturinat që vazhdimisht hidhen pranë arave, shprehu edhe një bujk tjetër.

Një njohës i mjedisit e cilëson shqetësuese praninë e mbeturinave pranë tokave bujqësore.

Sipas pronarit të tokës, flakët kanë shkaktuar dëme që arrijnë mijëra euro, ndërsa nuk pret që dikush t’i kompensojë humbjet.

Ndiqni kronikën në vazhdim: