Dënohet me vdekje këngëtari iranian për fyerje ndaj profetit Muhamed

Një gjykatë iraniane ka dënuar me vdekje këngëtarin e njohur, Amir Hossein Maghsoudloo, i njohur si Tataloo, pasi ai u dënua për blasfemi, sipas raporteve të mediave lokale.

“Gjykata e Lartë pranoi kundërshtimin e prokurorit” ndaj një dënimi të mëparshëm me  pesë vjet burg për veprën “blasfemi”, raportoi të dielën gazeta reformiste Etemad.

Sipas Etemad, “i pandehuri u dënua me vdekje për fyerje të profetit”, duke iu referuar profetit të Islamit Muhamed, transmeton Klankosova.tv.

Raporti shtoi se vendimi nuk ishte përfundimtar dhe mund të apelohej ende.

Muzikanti 37-vjeçar i ‘underground’ kishte jetuar në Stamboll që nga viti 2018 përpara se policia turke ta dorëzonte atë në Iran në dhjetor 2023.

Që atëherë ai ka qenë në paraburgim në Iran.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.