DASh: Veprimet në veri do të kenë pasoja në marrëdhënien bilaterale ShBA-Kosovë

Sekretari amerikan i Shtetit, Antony Blinken, ka reaguar lidhur me veprimet e sotme në komunat veriore të Kosovës duke i dënuar ato.

Ai ka thënë se hyrja e kryetarëve në ndërtesat komunale është bërë në kundërshtim me këshillën që ka dhënë ShBA dhe partnerët evropianë.

“Veprimet e tilla kanë eskaluar ashpër dhe panevojshëm situatën duke minuar përpjekjet tona për të ndihmuar në normalizimin e marrëdhënieve në mes të Kosovës dhe Serbisë dhe ato do të kenë pasoja në marrëdhëniet tona bilaterale me Kosovën”, thuhet në komunikatën zyrtare të lëshuar nga Departamenti Amerikan i Shtetit, transmeton KlanKosova.tv.

“I bëjmë thirrje kryeministrit Albin Kurti që të rezervohet nga diskursi dhe thërrasim të gjitha palët që të përmbahen nga veprimet që mund të nxisin tensione dhe konflikt”.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.