Daçiq ndan mendimin me Vuçiqin: Heqja e pjesshme e taksës, lojë e Kurtit

Ministri i Jashtëm i Serbisë, Ivica Daçiq, ka të nëjtin mendim si të presidentit Vuçiq, mbi heqjen e pjesshme të taksës nga Kosova.

Ai tha se kjo është “vetëm një lojë manovruese brenda politikës së Albin Kurtit”, njofton Klan Kosova.

Daçiq në një prononcim për Prva TV tha se “thelbi i politikës së Kurtit është parë në zyrën e tij, ku qëndron flamuri shqiptar dhe jo flamuri i Kosovës”.

Ai gjithashtu përsëriti fjalët e Vuçiqit se heqja e pjesshme e taksës është një tjetër manipulim i Prishtinës.

Ndërkaq, sot Vuçiq tha se BE-ja po e sheh si aleat Kurtin, prandaj kishte edhe reagimin më të shpejtë për ta mbështetur vendimin e tij për heqjen e taksës. Më herët ai ka thënë se pajtohet me deklaratat e amerikanit Richard Grenell, i cili doli kundër “masave gjysmake” të kryeministrit kosovar dhe tha se ky vendim ishte i gabuar.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.