Concentrix zgjeron praninë në Kosovë me zyra të reja moderne në Mitrovicë dhe Prizren

Mitrovicë & Prizren – Kompania ndërkombëtare Concentrix, lidere globale në industrinë e shërbimeve outsourcing për bizneset (BPO), ka inauguruar së fundmi zyrat e tyre të reja dhe moderne në dy qytetet të Kosovës: Mitrovicë dhe Prizren.

E njohur për përkushtimin ndaj punonjësve dhe për standardet e larta të punës, Concentrix është shpallur për të pestin vit radhazi si “Punëdhënësi më i Mirë i Vitit” nga Oda Ekonomike e Kosovës – një vlerësim që vjen si pasqyrim i vazhdimësisë në krijimin e kushteve të shkëlqyera për punë dhe zhvillim profesional.

Investim në të ardhmen – dhe në njerëzit

Oliver Derler, CEO i Concentrix për rajonin e Ballkanit, thekson se ky zgjerim nuk është thjesht një rritje fizike, por një angazhim i thellë për të krijuar vende pune që frymëzojnë dhe përkrahin zhvillimin e punonjësve.

“Në zemër të çdo suksesi që kemi qëndrojnë njerëzit tanë. Kujdesi për ta nuk është vetëm një vlerë e shpallur – është një praktikë e përditshme. Të jesh i shpërblyer si punëdhënësi më i mirë për pesë vite me radhë është dëshmi e këtij përkushtimi. Zyrat e reja në Mitrovicë dhe Prizren nuk janë thjesht moderne dhe funksionale – ato janë ndërtuar për të ofruar ambientin që njerëzit tanë meritojnë,” u shpreh Derler.

Zyra moderne në zemër të qyteteve

Të pozicionuara në lokacione strategjike brenda Mitrovicës dhe Prizrenit, zyrat e reja shtrihen në një sipërfaqe totale prej mbi 3,500 metrash katrorë. Dizajni i tyre është fokusuar në krijimin e ambienteve të hapura dhe fleksibile, të përshtatura për punë ekipore, inovacion dhe efikasitet.

Teknologjia e avancuar, ambientet bashkëkohore dhe qasja e lehtë në qendrat urbane e bëjnë këto zyra ndër më të mirat në vend, duke garantuar një eksperiencë pune moderne dhe të përqendruar te mirëqenia e punonjësve.

Mundësi të reja për profesionistët që flasin gjermanisht

Hapja e zyrave të reja shënon edhe fillimin e një faze të re punësimi për profesionistët që zotërojnë gjuhën gjermane. Concentrix është në kërkim të individëve të motivuar, që janë inovativ dhe kanë dëshirë për të qenë pjesë e një ekipi që vlerëson kontributin e secilit anëtar.

Kompania ofron më shumë sesa një vend pune – ajo ofron mundësi për karrierë afatgjatë, zhvillim personal dhe profesional, si dhe një ambient ku suksesi i përbashkët ndërtohet mbi mbështetje, bashkëpunim dhe vlera të qarta.

Concentrix, përmes investimeve të tilla, po e forcon edhe më tej pozicionin e saj si një prej punëdhënësve më të dëshiruar në tregun e Kosovës, duke sjellë standarde ndërkombëtare të punës dhe duke krijuar mundësi reale për të rinjtë e vendit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.