Çka pritet të ndodhë në samitin e sotëm të NATO-s?

Udhëheqësit botërorë janë mbledhur sërish sot në Madrid për një samit të NATO-s, ku lufta në Ukrainë do të dominojë në punime.

Ja çfarë mund të presim nga samiti në dritën e zhvillimeve të djeshme:

Udhëheqësit e NATO-s do të mbajnë sërish bisedime sot në kryeqytetin e Spanjës për drejtimin e ardhshëm të aleancës ushtarake pas pushtimit rus të Ukrainës.

Në një zhvillim të rëndësishëm mbrëmë, Turqia ra dakord të heqë kundërshtimin e saj ndaj anëtarësimit të Finlandës dhe Suedisë në organizatë

Të dyja vendet do të ftohen zyrtarisht për t’iu bashkuar aleancës ushtarake sot, sipas shefit të NATO-s, Jens Stoltenberg.

Ai tha se anëtarët aktualë të NATO-s do të bien dakord për një “paketë gjithëpërfshirëse ndihme për Ukrainën, për t’i ndihmuar ata të mbështesin të drejtën për vetëmbrojtje” në samit.

Bisedimet e sotme pritet të paraqesin gjithashtu thirrje nga kryeministri Boris Johnson për aleatët që të rrisin shpenzimet e tyre të mbrojtjes në përgjigje të pushtimit të Rusisë “për të rivendosur parandalimin dhe për të siguruar mbrojtjen në dekadën e ardhshme”.

Samiti vjen ndërsa luftimet e ashpra në rajonin lindor të Donbasit të Ukrainës vazhdojnë.

Kjo pason një sulm me raketa në një qendër tregtare në qytetin qendror të Kremenchuk të hënën që vrau 18 njerëz, transmton Klankosova.tv.