Çka është labubu?  – kukulla që po çmend botën (VIDEO) 

Kukullat ‘Labubu’ kanë pushtuar rrjetet sociale dhe me to edhe zemrat, apo frikërat , e mijëra fëmijëve dhe të rriturve në mbarë botën.

Por ky trend nuk po shihet pozitivisht nga të gjithë.

Psikologia Adlie Morina-Krasniqi e konsideron shqetësues këtë fenomen, sidomos për ndikimin që po ka tek fëmijët.

“Fëmijët po largohen gjithnjë e më shumë nga ajo që janë në të vërtetë, dhe po përqendrohen në atë çfarë kanë, çfarë posedojnë. Kam pasur raste ku fëmijët ndihen ‘askushi’ nëse nuk kanë një kukull Labubu”, u shpreh ajo në emisionin ‘’Ora 7” në Klan Kosova.

Përveç ndikimit emocional, një tjetër aspekt problematik është edhe çmimi.

Kukullat ‘Labubu’ kushtojnë nga 20 dollarë e deri në 2 mijë dollarë, varësisht nga madhësia dhe nëse janë pjesë e koleksioneve të rralla.

Ndiqni diskutimin e plotë, në videon vijuese:

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.