Çitaku: Demokratë e republikanë, në momente kritike kanë qenë në anën e Kosovës

Nënkryetarja e PDK-së, Vlora Çitaku, ka thënë se demokratët dhe republikanët në Shtetet e Bashkuara të Amerikës e kanë ndihmuar Kosovën çdo herë.

Kështu ajo u deklarua kur e uroi Donald Trump për fitoren e tij si president i radhës për ShBA-në.

“ShBA-të përmbyllën me sukses zgjedhjet Presidenciale, dhe populli Amerikan e bëri përzgjedhjen e vet. Presidenti i 47-të i SHBA-së do të jetë Donald J. Trump. Nga Janari, SHBA-të do të udhëhiqen sërish nga administrata Republikane e Presidentit Trump. Demokratë e Republikanë, në momente kritike për ne, kanë qenë në anë tonë”.

“Është obligim i institucioneve të Kosovës që të mirëmbajnë dhe kultivojnë raportet me aleatin tonë strategjik. E punët tona, nuk na i kryen askush, pos nesh”, ka thënë Çitaku.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.