Cila është qasja e Harrisit, ndaj luftërave Rusi-Ukrainë dhe Izrael-Hamas?

Pasi presidenti amerikan Joe Biden, u tërhoq nga kandidatura për zgjedhjet presidenciale të ShBA-së 2024, zëvendëspresidentja e Amerikës Kamala Harris, pritet të jetë kandidatja që do e zëvendësojë atë.

Nëse Harrisi, do të fitonte zgjedhjet e bëhet personi më i rëndësishëm në shtetin më të fortë në botë, atëherë lindin pyetjet se çfarë qasje ka ajo për dy luftërat që po tërheqin vëmendjen e botës, atë të Ukrainës me Rusinë, dhe Izraelit me grupin palestinez Hamas – në të cilën më së shumti po e pësojnë civilët.

Harrisi, e mbështet Ukrianën në luftën kundër Rusisë

Ajo është takuar shumë herë me presidentin ukrainas Volodymyr Zelenskyy në vitet e fundit, ku edhe mbështet fuqishëm luftën e vazhdueshme kundër Rusisë.

Harrisi ka hedhur poshtë idenë se amerikanët do të lodhen duke ofruar ndihmë për Ukrainën mes problemeve të vetë vendit me inflacionin, shkruan Sky News, përcjell Klankosova.tv.

“Unë e di që populli amerikan ndjen një ndjenjë zemërimi moral dhe një ndjenjë përgjegjësie që kombi ynë të qëndrojë me popullin ukrainas rreth këtyre mizorive”, i tha ajo NBC News në 2023.

Harrisi përsëriti mbështetjen e saj në konferencën e sigurimit të Mynihut të këtij viti, duke thënë se Amerika ishte e përkushtuar të “mbronte parimet bazë të sovranitetit dhe integritetit territorial dhe të ndalonte një autoritar imperialist që të nënshtrojë një popull të lirë dhe demokratik”.

“Ju e keni bërë të qartë se Evropa do të qëndrojë me Ukrainën dhe unë do ta bëj të qartë presidentin Joe Biden dhe unë qëndroj me Ukrainën”, i tha ajo audiencës.

A e mbështet Harrisi Izraelin në luftën kundër Hamasit?

Qasja e Bidenit ndaj Izraelit ka shkaktuar shqetësim në mesin e disa mbështetësve që mendojnë se ai duhet të jetë më i ashpër – për shembull duke i vendosur kushte dërgesave të armëve.

Por, si me Ukrainën dhe çështje të tjera të politikës së jashtme, si Kina dhe Irani, besohet se Harrisi do t’i përmbahej gjerësisht qasjes së shefit të saj.

“Ajo mund të jetë një lojtare më energjike, por një gjë nuk duhet të prisni – ndonjë ndryshim të menjëhershëm të madh në thelbin e politikës së jashtme të Bidenit”, tha Aaron David Miller, një ish-negociator i Lindjes së Mesme për administratat demokratike dhe republikane.

Megjithatë, ka disa indikacione që ajo mund të zgjedhë të japë publikisht një ton më të ashpër për Luftën e Gazës.

Harrisi ka folur herë pas here përpara linjës zyrtare të Shtëpisë së Bardhë.

Ajo kritikoi troç Izraelin në mars, duke thënë se ai nuk po bënte mjaftueshëm për të lehtësuar “katastrofën humanitare” dhe më vonë atë muaj nuk përjashtoi “pasojat” nëse ai nisi një pushtim në shkallë të plotë të Rafahut.