Ceremonia e diplomimit: Edhe 18 oficerë në Ushtrinë e Kosovës (VIDEO)

Vendet i zunë me kohë, e sytë nuk ia ndanë skenës.

Sebep që këta prindër e familjarë erdhën këtu në kazermën ‘’Adem Jashari’’ është diplomimi i 18 kadetëve të FSK, të cilët pas katër vjetësh shkollim do t’i shërbejnë vendit si oficerë.

Këtu vend zuri edhe kryeministrit në detyrë, Albin Kurti e zotëria i parë Prindon Sadriu.

Pak qaste më vonë, e fundit këtu vjen edhe komandantja supreme, Vjosa Osmani.

Ani se kadetët tashmë qenë brenda, pa u rehatuar e para e shtetit nuk nis gjë.

Pas intonimit të himnit ajo u ftua për disa fjalë, por qysh në fillim pati problem teknik.

Për zgjidhje u angazhua vet.

Nga foltorja, Vjosa Osmani rikujtoi ata që ishin para FSK-së. Ndryshe nga kjo, Kurti këtë hapësirë e shfrytëzoi për t’i thurur lavde qeverisë së tij. Por, në gjysmë edhe këtij i ra përforcuesi i zërit.

Një kadete përkundër emocioneve kujtoi para masës çfarë e shtyu të bëhet pjesë e FSK-së.

Para se të betoheshin, oficerët u pajisen fillimisht me diploma. Pas këtij hapi i hodhën kapelat.

Për familjarët ky qe moment i veçantë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.