Bullgaria dëbon 10 diplomatë rusë, u jep 72 orë kohë të largohen

Bullgaria ka shpallur “persona non grata” 10 diplomatë rusë dhe u ka dhënë atyre 72 orë kohë që të largohen nga vendi ballkanik.

Aktivitetet e tyre konsideroheshin të papajtueshme me statusin e tyre diplomatik.

Kjo është vala e dytë e dëbimeve të diplomatëve rusë nga Bullgaria, me dy të dëbuar më 2 mars mes akuzave se ata ishin të përfshirë në spiunazh.

Bullgaria ishte aleati më i afërt i Moskës gjatë Luftës së Ftohtë, por tani një anëtare e Bashkimit Evropian dhe NATO-s, ajo ka dënuar pushtimin e Ukrainës, shkruan Skynews, transmeton Klankosova.tv.

Në një deklaratë në faqen e saj të internetit, Ministria e Jashtme tha se kryeministri Kiril Petkov ishte konsultuar për dëbimet dhe ambasadori rus në Sofje ishte informuar.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.