Britanikja që u trafikua nga shqiptari në Greqi

Një grua britanike ka treguar se si është shitur si skllave seksi në Greqi dhe është detyruar që të punojë si prostitutë pasi që kishte shkuar me nënës e saj në këtë vend kur ishte 14 vjeçare.

Megan Stephens kryente marëdhënie seksuale me përafërsisht 50 meshkuj në ditë – kurse njëherë ishte detyruar që të bënte seks me 110 meshkuj në vetëm 22 orë.

Megan shprehet se problemet e saj kanë filluar shumë më herët se sa udhëtimi në Greqi që e bëri me nënën e saj, transmeton Klan Kosova.

Prindërit e saj janë divorcuar kur ishte katër vjeçare dhe të dy kishin probleme me pijen – mirëpo ajo shprehet se nëna e saj ishte një prind shumë i mirë kur nuk pinte.

Kur Megan ishte 14 vjeçare kishte shkuar në pushime dhe e ka takuar një burrë shqiptar të quajtur, Jak në një kafene.

Ajo pranon se ishte e dëshpëruar që të ndihej e dashuruar, e ai ia kishte dhuruar këtë vëmendjen.

Nëna e Megan e kishte lejuar atë që të shkonte me 22 vjeçarin shqiptar.

Kur ditët kaluan, Jak i kishte thënë Megan se sa shumë e dashuronte gjithashtu i kishte thënë se nëna e tij vuante nga kanceri dhe ai nuk kishte mundësi që t’i paguante faturat.

Më vonë, ai e kishte marr të jetonte në apartamentin e tij në Athinë dhe i kishte propozuar Megan që të pranonte një punë në një bordelo si kërcimtare.

“E urreja çdo minutë të vallëzimit në atë lokal”.

Kur pushimet përfunduan, Megan e luti nënën e saj që të qëndronte me “dashurinë e jetës së tij”.

Pas dy jave, ai e dërgoi Megan në një lokal dhe e prezantoi me një njeri të quajtur, Leo, dhe i tha asaj “Ky është shefi juaj i ri”.

Kjo është historia rrënqethëse e 26 vjeçares britanike e cila arriti që të ikë nga Greqia.

Megan, e ka mbajtur të fshehtë vendodhjen e saj sepse ka frikë se trafikantët do e gjejnë dhe do ia lëndojnë familjen e saj.

Që prej vitit 2009 ajo ishte blerë dhe shitur nga shumë trafikantë dhe është detyruar që të punojë në rrugë e në bordele, mirëpo arriti që të ikë vetëm gjashtë vite më pas.

Megan është shprehur se e ka gjetur guximin që të flet për eksperiencën e saj pasi që është shtatëzënë me partnerin e saj.

“Fillova që t’i them vetes që sa budallaqe jam. Nëse do kthehesha prapa e të pyesja vetën se çfarë do bëjë, do e detyroja vetën që të ikja e të vrapoja e ta ndaloja atë se çfarë ka ndodhur”.

“Por gjatë terapisë e kam zbuluar se u ndjeva shumë e plogësht brenda dhe përjetova thyerje mentale”.

“Mirëpo duke i marr parasysh rrethanat e di që nuk mund të bëja asgjë ndryshe”.