Borrell: Të gjithë donatorët e BE-së kanë rifilluar mbështetjen e tyre për UNRWA-në

Përfaqësuesi i lartë i BE-së për Punët e Jashtme, Josep Borrell ka thënë se gjithë donatorët e BE-së kanë rifilluar tani mbështetjen për Agjencinë e Kombeve të Bashkuara për Ndihmën dhe Punën për Refugjatët Palestinë (UNRWA).

Në një postim në mediat sociale, Borrell e përshkroi UNRËA-në si një “litar shpëtimi”, siç shkroi ai në “X”, i domosdoshëm në Gaza dhe rajon.

“Unë e mbështes iniciativën në favor të UNRWA-së, një litar shpëtimi i domosdoshëm në Gaza dhe në rajon.  Të gjithë donatorët e BE-së tani kanë rifilluar mbështetjen e tyre për agjencinë, ende në situatë kritike financiare.  Ne duhet të shtojmë mbështetjen tonë, nevojat janë vetëm në rritje”, ka shkruar ai.