“Bordi i Paqes” shkon në Kuvend, ujdia futet në agjendë

Marrëveshja për anëtarësimin e Kosovës në Bordin e  Paqes është futur në rendin e ditës së seancës sotme plenare.

Projektligji për ratifikimin e kësaj ujdie është vendosur si pikë e gjashtë e rendit të ditës.

“Bordi i Paqes” ishte paraparë të shqyrtohej nga ligjvënësit të hënën, më 27 prill, njofton Klankosova.tv.

Kryetarja e Kuvendit, Albulena Haxhiu pas mbledhjes së djeshme të Kryesisë njoftoi se në seancën e së hënës do të diskutohet anëtarësimi i Kosovës në Bordin e Paqes.

“Kryesia e Kuvendit vendosi që më 27 prill në orën 10:00 të mbajë një seancë të re, për t’i adresuar disa çështje shumë të rëndësishme, dhe në këtë drejtim është anëtarësimi i Kosovës në Bordin e Paqes”, u shpreh Haxhiu.

Bordi i Paqes më 27 prill në Kuvend