Blinkeni do që Kurti të ndërgjegjësohet (VIDEO)

Sekretari i Shtetit Amerikan, Antony Blinken, dërgoi porosi të qarta në adresë të Kosovës e Serbisë.

Në një konferencë për media pas samitit të NATO-s i mbajtur në kryeqytetin e Norvegjisë, Oslo – Blinken këshillon që telashet në tri komunat veriore të Kosovës me shumicë serbe të zgjidhen në mënyrë paqësore, raporton Klan Kosova.

“Ne thërrasim qeverinë e Kosovës dhe atë të Serbisë të marrin hapa të menjëhershëm për të shtensionuar situatën tensionet dhe të rinisin përpjekjet për të zbatuar marrëveshjet nga dialogu i udhëhequr nga BE-ja. Ne mbështesim procesin e integrimeve euro-atlantike për Kosovën dhe Serbinë, por eskalimi aktual shmang, e nuk i ndihmon përpjekjet për të ecur në këtë drejtim”, shtoi i pari i diplomacisë së SHBA-së.

Kryediplomati amerikan thotë se presin që në ditët e javët në vijim të ketë veprime konkrete drejt qetësimit të situatës në veri të republikës së Kosovës. Ai thirri që të shmangen me patjetër ato që i quan “veprime të njëanshme”.

“Ne kemi qenë shumë të qartë në shqetësimet tona për disa nga veprimet që u morën këtyre ditëve. Ne ju kemi thënë këtë direkt liderëve të involvuar, përfshirë kryeministrit Kurti, dhe ne po presim nga të dy të sillen në mënyrë të përgjegjshme”, përfundoi Blinken. /Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.