"Black Friday" - Kosova para Amerikës (VIDEO)

“Black Friday” – Kosova para Amerikës (VIDEO)

NULL NULL
nga Haris Ademi 2 muaj më parë

Qytetarët mbushën sot qendrat tregtare për t’i shfrytëzuar ofertat me zbritje për “Black Friday”.

Disa nga ta blenë më shumë e disa më pak. Por, jo të gjithë dolën të kënaqur me zbritjet.

Përkundër thirrjeve për mosgrumbullim, pati turma blerësish. Prandaj, diku rendin e mbajti edhe policia. Madje, në terren doli edhe vetë Ministri i Shëndetësisë Armend Zemaj.

Dita e njohur si “E Premtja e Zezë” shënohet në shumicën e vendeve në botë përmes uljeve të çmimeve nga ana e shitësve, ngjarje që merr goxha jehonë.

Por, ekziston një kundër-fushatë, megjithëse më pak e njohur, që thirret “Buy nothing day”.

“Dita për të mos blerë asgjë” kundërshton konsumerizmin e tepërt që i nxit konsumatorët të blejnë gjëra të cilat nuk iu duhen.

“Ekonomia e tregut ekziston për t’i përmbushur nevojat tona. Nuk guxon që ekonomia të funksionojë që ne t’i përmbushim nevojat e tyre”, shprehet Selatin Kaçaniku nga Organizata e Konsumatorëve.

Për shkak të situatës pandemike, “Black Friday” nuk bëri fort bujë në Shtetet e Bashkuara të Amerikës, sikur vitet e kaluara.