Beyonce do të publikojë albumin e shumëpritur muajin e ardhshëm

Pop-diva Beyonce më në fund ka njoftuar se albumi i saj i shumëpritur solo, do të publikohet muajin e ardhshëm, më 29 korrik.

Fillimisht njoftimi u bë nga llogaritë e këngëtares amerikane në rrjetet sociale, ku thuhej “act i… RENAISSANCE”, që sugjeron se emri i albumit do të jetë Renaissance.

Platformat e transmetimit duke përfshirë Spotify, Apple Music dhe Tidal postuan gjithashtu fotografi me të njëjtin formulim dhe u ofruan fansave mundësinë për ta ruajtur paraprakisht publikimin.

Lista e Apple Music sugjeron se albumi do të ketë 16 këngë, raporton Guardian, transmeton Klankosova.tv.

Siç duket, Renaissance është një album solo tradicional i Beyonces, i cili do të jetë i shtati i saj solo në karrierë, pas albumit të saj të shumë popullarizuar, Lemonade, i publikuar në vitin 2016.