Berisha: Në polici ka edhe rrugaçë e militantë primitivë të regjimit të Kurtit që i ka rekrutuar (VIDEO) NULL NULL 08.07.2025 23:38 08.07.2025 23:38 Ish-zëvendësministëri i Brendshëm, Zafir Berisha sonte në “Edicionin Special” në Klan Kosova tha se në polici ka djem e vajza të jashtëzakonshëm. Por, siç u shpreh ai, ka edhe rrugaçë e militantë primitivë të regjimit, siç tha ai të Kurtit, që i ka rekrutuar. “Ka vite që Policia e Kosovës, një pjesë e Policisë së Kosovës, nuk është në krye të detyrës dhe mungesa e trajnimit për policët e rinj, veçanërisht për ata policë që janë rekrutuar me procedura të përshpejtura përmes komisarëve politik të regjimit aktual të Albin Kurtit nga 2021-a”. “Unë mendoj që faktikisht tashmë besueshmëria e cila ka qenë shumë e madhe në policinë dhe në FSK-në si dy komponente të sigurisë së Kosovës ka rënë për tokë, sepse tashmë në kuadër të policisë, ku në mesin e tyre kemi djemë dhe vajza, burra dhe gra të jashtëzakonshme, por kemi edhe rrugaçë e militantë primitivë të regjimit i cili i ka rekrutuar dhe jorastësisht çdo ditë kemi incidente midis policisë dhe qytetarëve”, u shpreh tutje Berisha./Klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
