Berisha: Efekti i Bashkimit do shihet në Prizren

Deputeti Zafir Berisha, në një intervistë dhënë gazetës “Epoka e re, ka treguar për vendimin që ka ndërmarrë Bashkimi Demokratik (BD) për t’iu bashkuar Nismës për Kosovën.

Ai ka thënë se efekti i parë i këtij bashkimi në strukturat e Nismës do të shihet në qytetin e Prizrenit.

Berisha është shprehur i bindur se me këtë bashkim Nisma do të dalë fituese në Prizren në zgjedhjet e ardhshme lokale.

Sipas tij, fitorja në këtë komunë do të ndikojë që alternativa e Nismës të fuqizohet në të gjithë Kosovën.

Zafir Berisha nuk e ka fshehur ambicien e tij për të qenë kandidat i koalicionit AAK-Nisma për kryetar të Prizrenit. “Natyrisht se nuk e fsheh ambicien për ta menaxhuar qytetin e Prizrenit”, ka thënë Berisha.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.