Beck do t’i mungojë Pejës rreth tre muaj

Basketbollisti i Pejës, Tervell Beck do të jetë jashtë parketit për rreth tre muaj pasi u operua me sukses.

Këtë klubi pejan e ka bërë të ditur me anë të një postimi në rrjetin social Facebook, transmeton Klankosova.tv.

“Basketbollisti ynë, Tervell Beck – është liruar sot nga spitali në gjendje të shkëlqyer shëndetësore.”

“Koha e rikuperimit të Tervell Beck do jetë rreth 3 muaj, dhe deri në shërimin e plotë ai do jetë në mbikqyrje nga Doktori i Klubit, Fizioterapeutat e Klubit – Festim Mema dhe Mazllum Jevriqi dhe Trajneri Kondicional, Shpetim Panxhaj”, shkroi Peja.