Bebe Rexha mahnit publikun në Londër (Foto)

Britanikja Daily Mail sot ia ka kushtuar një shkrim të gjatë këngëtares shqiptare Bebe Rexha, e cila me hapa të sigurt po ngjitet drejt skenave të mëdha të muzikës botërore, transmeton Klan Kosova.

Pas performancës në fillim të kësaj jave në një klub nate në Londër, Bebe vlerësohet si njëra ndër këngëtarët më të kërkuara në industrinë e muzikës së sotme.

Duke e kënduar hitin e saj të fundit “No Broken Hearts”, të cilën e ka në bashkëpunim me reperen Nicki Minaj, shqiptarja 26 vjeçare i bëri të gjithë ta kthejnë kokën për veshjes së saj, e cila ia vinte në pah trupin e saj lakues.

Daily Mail më tej vlerëson zërin e saj shpërthyes dhe që emri i vërtetë i kësaj bukurosheje shqiptare është Bleta.

Bebe Rexha deri më tani ka bashkëpunuar me emra të mëdhenj të muzikës botërore, si Rihanna, Eminem, David Guetta, Nicki Minaj, etj.

Në fund këngëtarja shqiptare zgjodhi ta përmbyllë performancën me një shampanjë, fillimisht duke e pirë për vete dhe më pas e ka spërkatur publikun me të. Nga kjo ajo është shpërblyer me një buqetë me lule.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.