BE mëson shtimjanët si ta punojnë tokën, u jep kosa e grabuja (VIDEO)

Iniciativa për Zhvillimin e Bujqësisë së Kosovës (IADK) në bashkëpunim me Zyrën e Bashkimit Evropian në Kosovë ka shpërndarë pajisje bujqësore për blegtorët e komunës së Shtimes.

17 përfituesit morën pajisje që kapin vlerën mesatare prej 5 mijë euro.

Drejtori i IADK-së Zenel Bunjaku, bëri të ditur se projekti do t’i përkrahë gjithsej 45 persona me mjete pune,

“Të cilët i kanë ndjekë trajnimet, i kanë marrë certifikatat nga Qendrat për Aftësim Profesional, prej tyre 27 po i mbështesim me grande dhe në këtë fazë janë 17 persona.” tha Bunjaku.

Menaxherja e programit të BE-së në Kosovë, Majlinda Statovci, e vlerësoi këtë projekt të rëndësishëm pasi tha se e ka zbutur papunësinë në pjesën rurale të Shtimes.

Ajo vizitoi edhe disa përfitues të ndihmave nga viti i kaluar. Njëra nga to, ka 100 krerë dele dhe mbjellë rreth 6 hektarë grurë e misër

“Kom marrë tash tokë me qira se po i kam mjetet, po jam tash pak ma e gjallë, po kam vullnet me punu” tha Florije Bislimi, përfituese.

E dikush u mbështet në biznesin e ëmbëlsirave.

“Ta lehtësojnë punën tepër shumë, se unë i kam pas disa pajisje, po ato janë shtëpiake dhe janë kanë ma të vogla” tha Argjentina Bunjaku, përfituese

Edhe ndihmat e vitit të kaluar silleshin rreth 5 mijë euro.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.