Bamieh do marrë gjysmë milioni pasi u pushua nga puna se raportoi për korrupsionin në EULEX (VIDEO)

Ish-prokurorja Maria Thuraja Bamieh, do të marrë dëmshpërblim prej mbi 400 mijë funtesh, pasi humbi punën por fitoi rastin me qeverinë britanike, si sinjalizuese për korrupsionin në EULEX, mision ky i angazhuar në Kosovë.

Juristja, Maria Bamieh, ka pretenduar se përgjatë tetë vjetëve, të kaluara, se zyra për Punë të Jashtme, e Komonuelthit britanik dhe Zhvillim (FSDO) pati dështuar t’i ofronte mbështetje pasi ajo kishte aprovuar të ekspozonte marrëveshjet e fshehta mes EULEX-it dhe të tjerëve kriminelë të dyshuar në Kosovë, përcjell klankosova.tv.

Siç deklaronte ajo, zyrtarët qeveritarë, i kishin thënë asaj që të injoronte provat e këtij bashkëpunimi.

Asokohe gazetarja e Klan Kosovës, Blerta Ahmeti, pati realizuar intervistë me ish-prokuroren Maria Bamieh, mbi zhvillimet të cilat kishin pasuar me misionin e EULEX-it në Kosovë.

Për kërcënimet, dhe gjithë ecurinë e deri tek largimi i saj nga puna, ndiqni intervistat e Bamieh të publikuara më poshtë:

 

Mariah Thuraja Bamieh, shërbeu në këtë mision në Kosovë nga viti 2008 e deri më 2014. Ajo u suspendua nga ky mision në tetor të 2014, me arsyetimin se ‘nxori në pah materiale të ndjeshme’.

Bamieh u largua nga Kosova në vitin 2015 për t’u kthyer më pas me një mision tjetër, duke nisur rrugëtimin e saj për drejtësi në rastin që kishte iniciuar në raport me dyshimet për korrupsion në EULEX.