Bahtiri: Së shpejti hiqet “Parku i Paqes”

Kryetari i Mitrovicës, Agim Bahtiri, është shprehur optimist se shumë shpejt do të hiqet i ashtuquajturi “Parku i Paqes” mbi urën e lumit Ibër.

Ai në një intervistë për “Epokën e re”, ka deklaruar se me kryetarin e Mitrovicës së veriut, Goran Rakiqin, përpos heqjes së barrikadës, janë duke diskutuar edhe për kthimin e shqiptarëve në veri.

Bahtiri ka vlerësuar se heqja e barrikadës do të ketë ndikim pozitiv në lëvizjen e lirë të njerëzve dhe mallrave.

Ndërsa duke folur për premtimet elektorale, Bahtiri ka thënë se në Mitrovicë ka arritur t’i ndalë korrupsionin, haraçin dhe kontrabandën.

I pari i Mitrovicës poashtu ka bërë me dije se fabrika e parë e kërpudhave do të lëshohet për prodhim brenda dy muajve.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.